سلام عليكم, زوار مدونتي .. اتمنى الجميع بكل خير وصحة ..
انتهت مباراة الهلال اليوم بفوزه ( ٢\١) على الاهلي .. الفوز كان مستحق لا يمكن ان ينكره احد .. سيطرة في الشوط الاول ونص الشوط الثاني .. ضاعت هجمات كثيرة (ربي رحم الاهلي) .. لعب الهلال كان فيه انضباط تكتيكي واضح .. اقصد كان فيه هوية وخطة مب طقها والحقها ..
-الحكم ما انصف المسكين ويليهامسون كسروه لين قال امين ..
- نيفيز الى الان احسه ماوده يلعب .. لاعب ما يعرف يشوت قدام الباب اجل !! ويوم ملّ من المباراة قام يخرب ( لقطته يوم يشوت الكورة بقوة برا الملعب!!!) وين تبي يا حبيبي؟ المفروض هذا يمسكونه على جنب ويفهمونه تراك تلعب مع فريق ينافس على دوري لازم تثبت نفسك لا تجلس تسوي فيها اللاعب الكبير. مشكلة احسه شايف نفسه.
- الشلهوب قادم بقوة ونسانا ايام التايب .. اتمنى له كل التوفيق ..
- الشنيف في تحليل ما بعد المباراة قال : ياسر عشان يرجع مستواه يسأل الشلهوب عن وصفة رجوع المستوى هههه ! صدق ياسر ما عاد صرنا نشوف لمسات الحلوة وتسحيباته.
- سامي الظاهر ما عاد يصرّح الا على قناة الجزيرة الرياضية ( محتكرينه) .. عقبال ما يحتكرون الدوري كامل.
الشلهوب ماشفناه الا بعد خروج التايب .. التايب كان ماكل الدور عليه وجودهم مع بعض عطل مهامه .. ولا ننسى الظروف العائليه للشلهوب .. الي بغى يعتذر عنها لكن رفضو الاداره.
تكتيك المدرب كوزمين بعد كان ضد وجود الشلهوب … شاكر لك مرورك عبدالله