بعد ما انتهينا من فقرة ادآب التواصل جاء وقت العشاء الان. طلب منا المنظمين الاتجاة لصالة الطعام.حيث قاموا بتوزيع الطاولات بشكل جميل. التوزيع كان بطريقة مرتبة تفيد الطلاب بحيث كل اربع طلاب على طاولة ومعهم دكتور حتى يفيدهم من خبرته ويدردش معاهم.
الوضع لا يتوقف بس هنا. فالعشاء تكملة لورشة العمل. تعرفت على طلاب جدد و شاركت الطاولة معهم وكان معنا دكتور جامعي. بدأ العشاء وكان فيه مُحاضِرة تشرح لنا الإتيكيت في اي عشاء رسمي او عام لآنه هذا الاتيكيت ذوق عام الكل المفروض يتبعه اذا بيأكل مع ناس او لحاله في مكان عام.
في ورشة العمل تعلمت بروتوكولات من المفروض يتبعها الناس في اي عشاء رسمي .. تعلمنا الكثير .. اذكر منها :
- استخدامك للمنديل له مدلولات وهي في حال وضعك له على الطاولة يعني انك انتهيت من الاكل .. او في حال وضعك له على الكرسي يعني انك سوف ترجع.
- على الطاولة توزيع الكاسات والملاعق والسكاكي والاشواك مششت لكثرة الاغراض على الطاولة .. فـ لازم تعرف ان الكأس والملاعق والسكاكين والشوك اللي يمينك هي لك.
- وضعية استخدام الشوكة والسكين على صحنك لها معنى .. فوضعها بجانب بعض وبشكل افقي على صحنك يعني انك انتهيت من الاكل .. او متقاطعه فيعني انك لم تنتهي.
- في حالة انه كان فيه سلة خبز على الطاولة وقمت بأخذها ووضع بعض الخبز على صحنك .. يتطلب منك تمرير السلة بإتجاه اليمين سواء كان الشخص يبغى خبز او لا .. تمر على كل من في الطاولة واخر شخص يرجعها مكانها.
- من المهم اذا كنت في عشاء رسمي ان لا تأكل كل مافي صحنك .. اترك على الاقل شيء بسيط حتى لا يتصور المستضيف انك لم تشاهد اكل من قبل
.. طبعاً في ورشة العمل ما تركنا شيء D:
حضرت قبل فترة ورشة عمل كانت متطلب في احد المواد .. تختص ورشة العمل في تهيئة الطلاب لآداب التواصل عند :
- المقابلات الشخصية في حالة قدّم احدهم لطلب وظيفة ..
- وايضاً عندما تذهب لعشاء عمل او عشاء رسمي.
حقيقةً ما توقعت ان ورشة العمل هذي راح تفيدني بشكل كبير .. كانت تستحق كل دقيقة قضيتها هناك ..
كان من متطلبات الحضور لهذه الورشة ان حضورك يكون رسمي وكأنك حاضر للتقديم على وظيفة و لعشاء العمل يعني لبس رسمي وتعرف بنفسك بشكل رسمي وتسلم بطاقتك الشخصية لكل شخص تتعرف عليه بورشة العمل ( الجامعة كانوا مضبطين كل شيء) ..
اولاً , قاموا بتوزيعنا لمجموعات .. ويقوم احد المختصين (دكاترة) كل في مجاله ( اللي مختص في عمل مقابلات شخصية, واللي مختص في التعليم, واللي مختص في الموارد البشرية) بإلقاء محاضرة في تخصصه لمدة عشر دقائق على كل مجموعة ..
مرّت علينا إمراة كبيرة في السن .. وكانت محاضرتها عن المظهر الخارجي للمتقدم للوظيفة .. اللبس وكيف لازم يكون بسيط ولا فيه تكلف .. مثال, ما ينفع تلبس شي فيه زركشه وشي ملفت للنظر .. لازم تكون الألوان متوافقه ومن الافضل ان تميل للألوان الداكنه الهادئه .. تحدثت عن قصات الشعر وانه افضل انه شعرك يكون مرتب ولا تجي مقدم على وظيفة انت وكشتك كأنك اسبوع الشجرة ! ايضاً الاظافر تكون مقصوصة ..
انتهت العشرة دقائق وراحت العجيَز .. وجتنا وحده ثانية تقول انها تقوم بمقابلات شخصية دائماً ويمر عليها اشكال والوان من الناس .. قامت تتميلح شوي مع البنات اللي بالمجموعة انتي لبسك زين وانتي مدري وشو لدرجة اني نسيت وش تقول .. انتهى وقتها
وجتنا امراة اخرى .. كانت افضل وحده مرت علينا في نظري .. لأنها خلتنا نشارك معها بحيث اننا ناخذ ونعطي بالكلام .. تقول في المقابلات الشخصية مهما كانت الظروف فيها لا يحق لأحد ان يسأل عن اسأله شخصية او دينية تخص مقدم الوظيفة او المتقدم لها .. يعني نقول مثلاً هذا فلان الفلاني قدم على وظيفة .. في المقابلة الشخصية سألوه وش ترجعون انتم يا الفلاني !! او وش انتمائك الديني .. هذا ممنوع وممكن يحاسب عليه مقدم الوظيفة في امريكا … ايضاً شيء اخر العنصرية في العمر ممنوعة اذا كان المتقدم يملك المقومات المطلوبة وقادر انه يعمل, إذاً لازم تسوي معه مقابلة شخصية ومنها تحدد ولكن ترفضه بسبب عمره فهذا غير مقبول وفيها مساءلات ..ايضاً, شرحت لنا كيف نقوم بتعريف انفسنا بالطريقة الرسمية وهي السلام ومصافحة اليد والتعريف بالاسم.
بعد هذا كله قمنا نطبق فعلياً. كل شخص لازم يخلص بطاقاته الشخصية بحيث انه يحاول يتعرف على قدر ممكن من الناس ويعرفهم بنفسه ويسلم لهم بطاقته الشخصية. فعلاً, تعرفت على ناس كثير وكانوا طلاب ودكاترة و ممثلين شركات.
انتهى وقت التعارف … وجاء وقت العشاء
يتبع…
التغيير قادم .. يحمل الامل .. الفرج .. الانضباط
هو حتماً قادم .. ولكن يحتاج الى وقت
كتبت هذه التدوينة فقط لأقول اني موجود ..
كلها ساعات وتنطوي صفحة هذه السنة بحلوها ومرها .. ساعات وتنقلب الصفحة ونبدأ وجه جديد يبدأ فيه الناس بالتفاؤل والتخطيط للسنة الجديدة .. كلن يتمنى ما يريده في هذه السنة الجديدة .. في هذا السياق كنت ادردش انا وشخص وكان ضد فكرة التفكير والتخطيط للمستقبل .. يقول اعمل ليومك فهو ما يحدد مستقبلك! يعني لا تحط لك طموح او هدف سو الي عليك وبس .. اللي يقول كذا اشوف ماعنده ثقة .. وفي رأيي تحديد اهدافك وطموحاتك هو نصف المسافة لتحقيقها ..
سنة 2009 كانت مليئة بالاحداث حول العالم ..من اهمها في رأيي :
- عمل الدول والشعوب على تقليل الاحتباس الحراري في مؤتمر عقد في كوبنهاقن
- احداث جدة والسيول التي استشهد على اثرها المئات .. وقرار الملك بإستجواب المتسببين ( اتمنى يصير شي)
-الحرب السعودية مع الحوثيين
- ايران والاحداث الداخلية التي ربما تغير نظام الحكم في الدولة
***
بكرة في احتمال يكون حدث عظيم .. تختتم فيه السنة .. يا ترى ماهو ؟ D:
اتمنى للجميع سنة سعيدة مليئة بالنجاح ..
سلام عليكم, زوار مدونتي .. اتمنى الجميع بكل خير وصحة ..
انتهت مباراة الهلال اليوم بفوزه ( ٢\١) على الاهلي .. الفوز كان مستحق لا يمكن ان ينكره احد .. سيطرة في الشوط الاول ونص الشوط الثاني .. ضاعت هجمات كثيرة (ربي رحم الاهلي) .. لعب الهلال كان فيه انضباط تكتيكي واضح .. اقصد كان فيه هوية وخطة مب طقها والحقها ..
-الحكم ما انصف المسكين ويليهامسون كسروه لين قال امين ..
- نيفيز الى الان احسه ماوده يلعب .. لاعب ما يعرف يشوت قدام الباب اجل !! ويوم ملّ من المباراة قام يخرب ( لقطته يوم يشوت الكورة بقوة برا الملعب!!!) وين تبي يا حبيبي؟ المفروض هذا يمسكونه على جنب ويفهمونه تراك تلعب مع فريق ينافس على دوري لازم تثبت نفسك لا تجلس تسوي فيها اللاعب الكبير. مشكلة احسه شايف نفسه.
- الشلهوب قادم بقوة ونسانا ايام التايب .. اتمنى له كل التوفيق ..
- الشنيف في تحليل ما بعد المباراة قال : ياسر عشان يرجع مستواه يسأل الشلهوب عن وصفة رجوع المستوى هههه ! صدق ياسر ما عاد صرنا نشوف لمسات الحلوة وتسحيباته.
- سامي الظاهر ما عاد يصرّح الا على قناة الجزيرة الرياضية ( محتكرينه) .. عقبال ما يحتكرون الدوري كامل.
